Ég var að vafra um háskólasíðuna um daginn og kynna mér fögin sem ég fer í og svona. Sá þar eina bók sem við eigum að lesa og ákvað að taka forskot á sæluna og byrja bara á bókinni. Komst að því stuttu seinna að þetta verður engin sæla því þetta er leiðinlegasta bók sem ég hef nokkurn tímann opnað. Ég les eina síðu, tapa þræðinum eftir það og er komin í draumaheim um leið. Fer að spá í hvað maður getur haft í kvöldmatinn og svona. Ég er ekki enn viss um um hvað hún er og er komin á blaðsíðu 136. Googlaði bókina að lokum í þeirri von um að ég fyndi einhverja síðu fyrir tossa sem nenna ekki að lesa leiðinlegar bækur. Fann eina og byrjaði að lesa úrdrátt úr hverjum kafla fyrir sig. Það var alveg jafn hundleiðinlegt og að lesa bókina og hugurinn byrjaði strax að reika eitthvað annað. Næsta skref er að reyna að finna bíómyndina. Mér skilst að hún sé sýnd reglulega á Hallmark. Vonandi næ ég að halda mér vakandi yfir henni.