Ef þið þolið ekki grunnhyggnar færslur ekki lesa lengra.

Ég er að horfa á BAFTA sjónvarpsverðlaunin og Bretar eru að gera mig geðveika. Þeir geta alveg ómögulega verið glamúrus. Engan veginn. Það er hægt að líkja glamúr stjarnanna við breska matargerð = ömurleg. Svona gæti atburðarrásin hjá einhverri leikkonunni hugsanlega verið nokkrum dögum fyrir hátíðina:

Hmmm....já BAFTA á sunnudaginn. Í hverju á ég að vera? Best að ég kíki í Monsoon og fái mér kjól bara. Þarf sennilega ekki að fara í hárgreiðslu því ég er með svo fínar hárlengingar. Túbera bara aðeins að aftan. Það er bara allt að smella. Kannski ég hafi tíma til að hoppa í ljós.

Hvernig ætli standi á þessu?