Ég hef alltaf verið haldin þeim fordómaum að ríkt fólk sé gjörsamlega smekklaust að öllu leyti og að það sé hægt að pranga allri mögulegri vitleysu inn á það sama hvað verðmiðinn segir. Nýjasta dæmið til að ýta undir þessa skoðun mína er þetta. Að einhverjum skuli detta það í hug að kaupa íbúð í forljótri blokk á 230 milljónir er fyrir ofan minn skilning. Mér er alveg sama þó að það sé útsýni yfir Esjuna. Svo er þetta réttlætt með því að segja að þetta sé svo svakalegur lúxus. Það þarf nú ekki annað en að keyra framhjá þessu ferlíki til að sjá lúxusinn í öllu sínu veldi. Þar er hægt að sjá götin á útiveggjunum eftir að flísarnar tóku upp á því að losna og detta af. Ég hef heimildir fyrir því að fólk sem keypti íbúð þarna hafi þurft að búa á hóteli á meðan verið var að laga ýmis mistök sem þar voru gerð. Þarna er greinlega verið að byggja ódýrt og selja síðan á okurverði. Er virkilega svona auðvelt að hafa fólk að fíflum?