Komst að því um daginn mér til mikilla vonbrigða að mér verður sennilega aldrei boðið að verða meðlimur í gáfumannafélaginu Mensa. Var að skoða síðuna þeirra (guð má vita af hverju)um daginn og svona til gamans datt mér í hug að taka eitthvað sem þeir kalla Mensa Workout. Byrjaði á fyrstu þremur spurningunum fékk þá hausverk af áreynslu og gafst upp. Mikið er ég skúffuð.

Ég er annars farin að hafa miklar áhyggjur af yfirdrifnu nammi- og ísáti mínu. Ég held að ég hafi aldrei borðað eins mikinn ís á ævi minni eins og síðustu mánuði. Það er nokkuð ljóst að þetta á aðeins eftir að enda á einn veg. Eins gott ég verði dugleg að hjóla þegar hjólið kemur úr stillingu á þriðjudaginn. Get þá þeyst um götur borgarinnar með dótturina aftan á. Eins gott að forðast allar brekkur.