Ég er brjáluð!!!!!

Ég fór í Bónus og Krónuna í dag til að kaupa inn ýmsar nauðsynjar fyrir heimilið. Keypti svosem ekkert rosalega mikið en gekk út með reikning upp á næstum því 9000kr!!!!! Ég er búin að fá nóg af þessari helvítis vitleysu. Hversu lengi á maður að láta fara svona með sig? Á meðan við vitleysingarnir látum hafa okkur af fíflum í hvert skipti sem við rennum kortinu í gegn hjá þessu liði þá situr Jón Ásgeir og hans líkar með vindilinn í kjaftinum í penthouseíbúðinni sinni í New York og hlær að okkur. Ég segi hingað og ekki lengra. Ég heimta byltingu hér!! Hver er með mér? Ég legg til að við hópum okkur nokkur saman og stofnum hálfgert samyrkjubú. Ég gæti til dæmis séð um að rækta kartöflur fyrir okkur og þú Laulau gætir séð um kál og Silla þú sérð um kryddjurtirnar og svo framvegis. Hvað segiði?
Ég hef líka eytt síðasta þúsundkallinum í bensín takk fyrir. 140kr fyrir einn lítra af bensíni? Ertu að djóka? Nei takk! Héðan í frá mun ég ekki láta sjá mig á bensínstöðvum bæjarins. Kaupi ekki einu sinni tyggjópakka hjá þeim.

Svo er ég líka hætt að taka þátt í þessum viðbjóði:


http://www.guardian.co.uk/business/2007/sep/03/retail.supermarkets

Fyrst ég er byrjuð að kvarta og kveina þá er best að ég taki það fram að ég ætla ekki að kjósa í Reykjavík fyrr en það er búið að skipta öllum út úr öllum flokkum.

Takk fyrir.